នៅក្នុងបទសម្ភាសន៍នៃកម្មវិធី “Mr and Ms Talk Show” របស់ពិធីករ តាប៊ុយ និងពិធីការិនីនាង ខៀវ សាន់សាណា តារា ចម្រៀងសំឡេងស្រាលរូបនេះ បានប្រាប់ថា ការសិក្សាមិនបានលទ្ធផលល្អ និងត្រូវប្ដូរសាលារៀនញឹកញាប់ដូច្នេះ ដោយសារតែស្រលាញ់សិល្បៈតាំងពីតូច និងបានចំណាយពេលច្រើន សម្រាប់សិល្បៈដែលគ្រាន់តែជាការកម្សាន្តរបស់ខ្លួន នាពេលនោះប៉ុណ្ណោះ។ ហើយមិនទាន់មានលទ្ធផលដូចសព្វថ្ងៃនេះទេ ។ រូបគេធ្លាប់មានផ្ទះរស់នៅជុំគ្នាជាមួយឪពុក និងសាច់ញាតិ ជាអ្នកធ្វើការងារនៅក្រសួងវប្បធម៌ ដែលជាហេតុធ្វើឲ្យពូជ សិល្បៈមួយគ្រាប់នេះ ចាប់ផ្ដើមចេញពន្លក តាំងពីពេលនោះ។ ទៅណាមកណា ប៉ាខ្ញុំតែងនាំទៅជាមួយគេជាមួយឯង។ ដូច្នេះអារម្មណ៍សិល្បៈ ចាប់ផ្ដើមនៅជាប់ជាមួយខ្ញុំរហូត ។ ជាកូនពៅគេ និងជាអ្នកភ្នំពេញ សព្វថ្ងៃតារាចម្រៀង ហេង ពិទូ មានវ័យ ៣៣ ឆ្នាំ មកហើយ។ ក្រៅច្រៀង ពិទូ ក៏ជាអ្នកនិពន្ធ ទំនុកច្រៀងមួយរូប នៅក្នុងទ្រនំផលិតកម្មសាន់ដេ ភាគច្រើនជាមនោសញ្ចេតនាផ្ទាល់ខ្លួន និងការស្នើសុំឲ្យនិពន្ធពីយុវវ័យ ជាអ្នកគាំទ្រ ហើយច្រៀងដោយខ្លួនឯងផ្ទាល់ ។ ចំណែកគូស្រកវិញ រូបគេត្រូវសំឡឹងរកនារីណា ដែលចេះស្រលាញ់ ឪពុកម្ដាយរបស់ខ្លួន ខណពូកគាត់កាន់តែមានវ័យចំណាស់ទៅហើយនោះ ៕
No comments:
Post a Comment